Ha frequentato il liceo artistico Mattia Preti di Reggio Calabria, scuola che gli ha impresso una forte passione per l’arte, passione che coltiva tuttora.
Dal 2010 è pensionato delle ferrovie e da oltre venti anni è impegnato nel sociale curando una locale associazione per anziani.
Sempre negli ultimi venti anni ha maturato un forte interesse per la poesia specie dialettale che lo ha portato sia a scrivere che ad organizzare annualmente degli incontri poetici. Nel corso degli ultimi anni ha partecipato a vari concorsi ottenendo premi e riconoscimenti. Ultimamente, nel concorso nazionale "Il Federiciano" del Maestro G.Aletti, una sua poesia è stata scelta ed inserita nella relativa pubblicazione annuale.
U TESTAMENTU
Puru pi mia mi fazzu testamentu,
Non vi llarmati , non vi nesci nenti,
non sulu a vui , ma mancu e me’ parenti.
Chistu pirchi’, cu sturtimu vuliri,
rassu ricchizzi, fatti di palori,
Penzu all’amici e a tutti i canuscenti,
si caccavvota involontariamenti,
Ndi ficimu nu tortu cu carcunu,
a iddhi rassu e cercu u me pirdunu.
Rassu e parenti, soru zii e cugnati,
stu me cunzigghiu : non vi sciarriati,
E me niputi e a cui appressu veni,
nci ricu: vui faciti sulu bbeni.
E pi finiri riserbai e me figghi,
a iddhi legu e dassu ddhu cunzigghi,
Unu tra vui non v’ata a liticari,
ddui p’a’ saluti a ddiu ata a priari.
Pu restu eu non haiu mi vi fazzu,
o mi sintiti… opuru i ddha’ ..mi ncazzu.
U TRENU
Rriva u me trenu, e oggi comu aeri,
nchianu, nccuddhatu i tutti i me pinzeri,
trou e mi ssettu, i latu na signura,
chi teni ambrazza a so criatura.
Mala vistuta a mamma e peggiu u figghiu,
chi alterna na ciangiuta, e nu baragghiu,
iddha nci rriri, e u ballaria mu sbia,
ma l’occhi rinnu, eu ciangiu chiu’ di tia.
Chiu’ pi ddha via, ambeci, sduvacatu,
un’ omu, siccu e malu cumbinatu,
ricu ch’e’ n’omu, ma pa’ virita’,
cus’a’ s’e’ tali, a so dignita’.
A barba ianca, longa e non curata,
na giacca vecchia e larga chi nci nnata,
varda luntanu, cu occhi assai patuti,
comu si ncill’avissiru stutati.
Comu si movi, pi nu ggiustamentu,
faci na smorfia, signu i gran turmentu,
chi chiaramenti forsi voli riri,
non su’ i duluri, esti u pocu amuri.
Furtuna ch’e’ di ferru ed esti forti,
su trenu, ch’ogni jornu i quandu parti,
carria, avanti e arreru pi paisi
sta genti in pena, ognunu chi so pisi.
U VENTU
È mbernu,è tarda sira,quasi notti,
si iasa u ventu, e amprima non è forti,
anzi esti leggiu, e u senti cu piaciri,
pirchì a to’ menti,a faci caminari.
Apoi, si senti assai chiù rinforzatu,
tantu chi pari, nu griru disperatu,
pun pocu smetti, e pari senza sciatu,
pi poi ricuminciari, chiù ncazzatu.
Pari chi a tutti i costi, ndav’a ddiri,
carcosa e tu pi forza l’ha sintiri,
forsi cusì, ndi voli rrussigghiari,
i stu ddurmentamentu, i stu torpori,
Stu statu d’incoscienza, chi ndi teni,
l’occhi bendati, e i ricchi chiusi beni,
cusì non d’accurgimu,chi succeri,
on parmu i nasu i nui,ccà, peri peri.
Stu ventu allura, chi va’ mundu mundu,
s’eppi accurgiri,chi tuccammu u fundu
e cerca comu poti, mi ndu rici,
sperando cacca vvota, chi ncia faci.
https://www.facebook.com/nicola.oriente.7?locale=it_IT ]
[Questo lavoro è concesso in licenza con CC BY-NC-ND 4.0. Per visualizzare una copia di questa licenza, visitare https://creativecommons.org/licenses/by-nc-nd/4.0/ ]
[Questo lavoro è concesso in licenza con CC BY-NC-ND 4.0. Per visualizzare una copia di questa licenza, visitare https://creativecommons.org/licenses/by-nc-nd/4.0/ ]
---
Nessun commento:
Posta un commento