giovedì 29 ottobre 2020

LU TAMPUNI



Quandu 'rriva lu me' jornu
penzu sempri "ahi chi dduluri;
esti finu oppuru 'rossu
chista vota lu tampuni?

Si 'mbicina 'u 'nfermeri
cu bbisïera e mmascarina.
'Ppoja ê mani supr'ê rreni
cu 'ddha sólita rrisatina.

"Cal'a máscara" mi rici
e ssenza nenti capisciri
zzicca tuttu lu tampuni
'nfin'arret'ê cannarini.

Ma 'sta vota é cchiddhu 'rossu
e iddhu gira e ppo' rriggira
prima 'nta 'nu pertusu e ppo' 'nta ll'atru
antantu ch'éu mi tegn'u çiatu.

Quandu finíu jéu su' ttuttu rrussu
e rringrázzju sulamenti
chi ssi zzicca r'intr'e náschji
e 'ndô culu no' zzicca nenti.

---